In kozman pou la rout

« Soulyé i koné an promyé si lo ba néna trou »

28 avril 2018, sanm Justin

Proverb-la sa in kozman in péi i apèl Haïti, in péi mizèr konm zot i koné. Lé vré si ou lé loin d’in n’afèr ou I oi pa bien, mé si ou lé zis a koté, lé pli fasil oir, kansréti in défo dann kékshoz. Lo promyé pou konète si lo ba na trou sé lo soulyé amoins ké sé lo ba li mèm. Lé normal vi k’inn épi l’ot sré konm k’i diré mitoiyin. Konm sé in provèrb, li néna in sans pli zénéral é sanm pou moin sa i vé dir si ou I vé bien konète kékshoz I fo ou lé pa loin – sa lé sirtou valab si ou I rod oir défo, mé si ou kalkil bien ou i pé oir galman son kalité. Alé ! Mi lèss azot rofléshi la dsi é ni artrouv pli d’van. Sipétadyé !

Padport

Signaler un contenu

Inn modékri, inn ti lavi, inn komantèr ?


Témoignages - 80e année


+ Lus