Médame zé Méssyé, la sosyété koze èk mwin sé koze èk in kouyon mé sé o pyé d’lo mir k’i oi lo vré masson.

Mézami ni doi konète plizyèr provèrb i di lo mè shoze ké sète nou la mark an-o-la, in provèrb haïtien vi k’nou l’apré fé noute parkour dann bande provèrb Haïti. Néna konm zot i koné lo kozman : « sorte dann Karibe pou tonm dann sylla ». Na poin lontan mwin la indik aot in provèrb kréol rényoné téi di konmsa : « Sorte dann poilon pou tonbe dann fé. ». Shak foi sa i vé sir i sorte dann in danzé pou tonbe dann in pli gran danzé. sorte dann in trin an bob, pou tonbe dann in n’ote pli an bob. Malorozman, soivan défoi lé konmsa : tro préssé pou sové, é wi tonbe dann in pli grav tablatir si wi fé pa travaye oute tète.

Alé ! mi kite azot rofléshi la dsi é ni artrouv pli d’van. Sipétadyé

Dann kréyol aissien : « Kouri lapli, tonbe larivyè. ».