Mézami, mi koné pa si dann zot lantouraz néna demoune i koné in takon d’zafèr — in savan si i fo apèl moune-la par son nom. Mi koné pa zot, mé mwin mi yème bien ète an parmi d’moune i koné in ta d’zafèr pars zot mémoir épi zot intélizanss dé shoz i anrishi amwin é souvan dé foi mwin lé rokonéssan pou lo partaz.

Mé antanssion, noute provèrb i di anou si wi frékante in savan suiv son parol pars i ède aou dékode lo monde, mé suiv pa sak li fé é mi oi sa lé apépré vré pars bann savan si zot i koné in ta d’zafèr, dann zot pratik zot lé in pé dékonèké par rapor la réalité.

Alor kèl sé la solission ? Sinploman aplike sak lo saz i done konm konsèye kan li di koné aou ou mèm kissoi oute fors, kissoi oute féblèss, in bon manyèr pou amontre oute fors épi pou kashyète oute féblèss, otroman ranfors oute poin for épi konpanss oute féblèss.

Alé ! Mi kite azot rofléshi la dsi é ni rotrouv pli d’van, sipétadyé.

Justin