Lété déza pa fasil pou bann zémigré alépok. Mé plis’ i sava, é plis i devyin sérié viv zordi an France kan ou sorte dann un départman d’outremer. Aryink si la gèl ou pass souvan pou in sispé. É ronf’ pa, sinonsa out poi lé o fé !
Nana 2 Rénioné - parmi d’ot - i vyinn viv koshmar-la. Akoute inpé :

- Lo 9 mé, an plin Paris, Patrick Marouvin, in zèn i travay konm pèrsonèl navigan si lavion, i fé tabass ali par lé flik. Son sèl tor sé avoir di bann polisié zot i pé parl ali si inn ot ton si zot na in romark pou fé. Alèr zordi, li la pankor ropran son travay.

- Lo 31 mé, sekousi Meulan koté Paris, Jean-Luc Fatol, in Rénioné karantan, gravman malade, i pran in kokman pa mazinab, touzour èk la polis. Son sèl tor sé avoir di bann polisié son marmay lavé ryin a voir dann in ralépousé dovan son kaz. Jean-Luc Fatol nana in kansèr léstoma, li lé mèm dann la dèrnière faz. Alèr zordi, li lé lopital mé pi pèrsone nana in lèspoir.
Ala dé lékzanp, partikilièrman révoltan, an lèspas in moi. É ni parl pa zot tousa trakasri nout bann frèr é sèr i sibi laba tou lé zour, sirtou dopi lépok Sarkozy !!!

Justin