Mézami, mi panss zot i koné la sand. Mi panss zot la fine manipil in pé la sande la. Konm mwin zot i koné koman la sande lé dou pou la min. Dizon la soi par instan.

Mé antansyon !

Antanssyon si néna bande pti morsso la brèz dodan : inkroiyab koman la tanpèratir i goumante é koman sa lé riskab bril aou.

Si i di kozman-la d’in moune, sa i vé dir kan li sé lé sande, li lé dou, li lé tande, zantiye, karéssan, soiyé, mé kan li lé brèz li lé dir, brilan, koupan, pikan é d’in moman a l’ote li sorte sande pou vni brèz épi brèz pou vni sande. Dann la lang franssé i diré « soupe au lait ».

Alé ! Alon bien rofléshi la dsu é ni artrouv li d’van. Sipétadyé.

Justin