Médame zé Méssyé, la sosyété, koze avèk mwin sé koze èk in kouyon, mé sé o pyé d’lo mir k’i oi lo vré masson.

Zot i koné dan la sosyété ninporte ékèl péi, ninporte ékèl landroi, néna toute sorte kalité anprofitère. Zot i ézite pa fèr d’tor demoun san défans pars zot i panss zot na poin arien pou riské. Mé la pa touzour konmsa pars i ariv déssèrtènn foi néna bande défanssèr bande san défanss é san konprande i fo talèr zot i sava rande dé konte… Azot bande léktèr témoignages, mi panss zot i koné, mé lé méyèr mi rapèl.. Kan doktèr Raymond Vergès la fé zoinal témoignages l’avé in sou-tite zordi lé pi la, mé téi di konmsa : « Zoinal défanss bande san défanss ». In poin nout listoir, mé in poin lé bon pou rapélé. Biensir sa néna arien pou oir avèk la kiltir Haïtienne, mé mi yème bien rakonte sa pars néna touzour inn pou dire : « Mwin téi koné pa ! »… ébin zordi zot i koné.

Alé ! ni artrouv pli d’van é mi lès aot rofléshi la dsi.ni artrouv pli d’van. Sipétadyé.

Batt chein atann mètt li : un proverbe haïtien