Oté

« Tash dsi la po son momon i fé pa pèr in pti pantèr »

In kozman pou la rout

Justin / 19 mé 2020

JPEG - 43.6 ko

Mésyé, Médam, La Sosyété, koz èk moin sé koz èk in kouyon mé sé o pyé d’lo mir k’i oi lo bon masson. Mézami ni kontinyé nout voiyaz dann l’ Afrik an provèrb.- in provèrb péi Malinké dann Sénégal, zis dsi la point ouèst lo kontinan momon l’imanité. Alor kosa sa i vé dir ? Sirman ké ou la pa pèr out prop famiy, out voizin, sak lé konm ou. Biensir ou i fé konfyans sak lé konm ou. Ni anparl in pantèr épi son pti. Ni pé parl lion avèk son pti. Ni pé anparl demoun avèk zot zanfan. Mé an déor d’ bann zanimo, bann moun é lo rèst, ni pé galman koz bann moun néna mèm zintéré épi i asosyé dirèktoman. In késtyon kant mèm : si Sak lé étranj par rapor aou, ou mète ali par koté, ou i frékant pa li, ou la pèr ali ? Kant mèm pa. Konm i di nou sé in bann kréatir térès, alor lé pa myé ète bon zami ? Moin mi pans ké oui. Alé ! mi kite azot rofléshi la dsi é ni artrouv pli d’ van. Sipétadyé.