Poitan bande plantèr la romark vitman-vitman zot l’avé a fèr in patron an boi dir .Zordi i diré in patron néna in manajman d’in n’ot épok, in patron vyé jé si zot i vé, osinonsa in patron d’konba : ab ityé manyé la karote épi lo baton. Dann in tan bande plantèr apré lité pou sirviv.

Ni rapèl koman téréos la fé lo difissil pou sign in konvanssyon avèk bande sindika plantèr ;zot la si tèlman tardé, si tèlman lantèrné ké la koupe la komanss an rotar é ké linterprofession lété riskab d’ète an difikilté si in nouvo problèm téi ariv.

In nouvo prob lème l’arivé é sète-la sé in konfli rante la dirékssyon épi bande travayèr dann in kontèks négossyassion i fé shak ané l’avé tro mal éspassé. Bande travayèr la fé zoué zot droi d’grèv é la grèv la komanssé ;In grèv téi pé ète ké dir si tèlman lo patron sé in patron d’konba, é dir pars les travayèr zot ossi té dann in kontèks difissil avèk i n pèrte dann pouvoir d’asha.

Bande plantèr zot lé abityé lité é zot la antropri in voiyaz traktèr pou désharj zot romorsk sharjé avèk kann la déssote lo mir.Sirman promyé foi bande plantèr i désside sorte dan l’est pou alé liv zot kann dann sid .In zanr lépopé k’i amontr ankor in kou la proféssyon plantèr d’kann i vé pa mourir é pou pa mourir èl lé déssidé pou lité.

Donk ni oi bien, in foi an pliss, ké lo patron téréos la pa lo patron k’i fo dann in kontèks difissil konmsa pou noute patrimoine kann. Plantèr lé a la otèr, mé téréos non in foi anplis !

A bon ékoutèr-salu !