Ma ékri son kestion en fransé : « Le nain diplomatique comorien vous a-t-il mis en échec ? ». Sa i rosamb in provokation pou obliz l’état fransé bouz in pé plis pou soumète l’État komorien. An même tan sa lé osi in mépri pou l’État komorien. Trète in l’État de « nain » ; sa i fé sa ?

Kan moin la tendi sa, moin la di a moin, atension, kan ou krass en lèr i artomb dessi out né ! Nou koné pa lavenir. Rogarde bann péï kom l’Inde ou biensa la Sine. Na 30 ans d’sa, zot lété bann « péï tiers monde », zot population té dann in sitiasion kritik, malizé dan la grande povreté, la mizère noir, é ala zordi, en 2023, en in générasion l’Inde lé 4é puisans mondiale et la Sine 2è, jis après lamérik ! Kissa noré di ? Alors mi pense y fo trèt toute bann péï ek respect, lé pa parse ké zordi zot lé pov ke sra touletan kom sa.

Rogarde osi koman inn p’tit péï kom Vietnam la kombat lo zéan amérikin ! Personn i koné pa domin ? Kissa i pé konèt kossa La Frans sora et koman Les Comores va évolié ? Kom kréol i di, "ti ass i koup gro bwa !".

A bon antandèr, ni artrouv.