Oté

« Ti kouto i koup gro ziromon ! » (2)

In kozman pou la rout

Justin / 18 novanm 2016

Yèr, moin la komans anparl kozman-la é moin la rogard ali pou son sans prop. Mé konm sé in provèrb, kan i ansèrv dé li, sé, la plipar d’tan, par raport son sans figiré. Dsi so poinn vizé la, la pa bézoin ékri in tone pou bien konprann ali. In kouto lé pti, ziromon i pé z’ète in bèl z’afèr, dakor ! Mé David la pa bate Goliath é lo pti galé li la tir avèk son flesh té pa pli for k’in gro mastapin lo zéan Goliath té kapab doné ? An zido, I di pa ou I pé gagné si ou I ansèrv la fors lo l’advèrsèr pou artourn fors-la kont li épi bate ali plate koutir. Shagos lé pti, l’Anglétèr plis l’amérik lé gran mé final de kont moin na l’éspoir ké sé Shagos va gagné. Ni artrouv pli d’van sipétadyé.

(la fini)