I paré, in soir dann son somèy, li noré gingn in kou d’lune. In vizion noré frap son lèspri. Son tèt la gonflé é, dopisa, li konm in zonbi. Son prop kamarad la fédérasion i prétan li sré abité par “lalternans’”. Na inpé i domand ziska si, aktièlman, in dindon i sinbolizré pa mié zot mouvman !

Antouka, maladi “Tiki grotèt” lé grav. Le bann manifestasion lé doplizanpli violan èk bonpé lazitasion. Si shové lé droite, kozman lé mayé. Dann in ka konmsa, propoz pa li respir inpé lèr not toute ni rèspir. Danzé mortèl pou lindividi. Toute kalité konsansus’ i tonb son poizon !!

Odébi de moune lavé pran son ka inpé an pitié. Par rèspé pou la démokrasi, té bien oblizé ékoute ali péroré. Le problèm, zordi, sék li lé persiadé la démokrasi i komans’ é i fini èk son pérorézon. Avan li, la poin rien ; apré li, la pi rien !!!

Justin