Mézami, mi panss konm mwin zot i koné kozman-la é si mi tronp pa sa té in parol séga néna déza in bon boute tan.

Malol noute toute i koné sé la motte é la motte-la téi anpèsh bien oir klèr dann tan… ébin dann tan néna lontan. Mi koné pa si néna ankor dé ka konmsa koméla mé dann tan l’avé souvan si tèlman ké granmatin lo zyé téi rèss kolé é si lété pa lo tyède téi rouv pa.

Mé o fète, la nou lé dann sanss prop mé dann sanss figuiré sa téi vé dir « rouv lo zyé pou oir bien klèr ». Bien klèr dann koué, dann toute sak i pé tronp aou dann la sossyété d’zordi. Alon rokonète sa lé bien nésséssèr.

Alé ! Mi kite azot rofléshi la dsi é ni rotrouv pli d’van, sipétadyé.

Justin