Mézami mi koné pa si zot néna kozman-la dsi zot dik dir, mé sré bon pars koméla i antan arienk sa dann lo laktyalité . Tèl antropriz la fèrmé épi la bate tan d’pèrsone déor, otan d’pèrssone i rotrouv azot san salère, san manzé pou done son zanfan.

Zot i koné , koméla, noute toute rényoné - pa nou solman pars néna plin d’moune di la tèr lé randi la - la fine artourn dsi la satisfakssyon noute bann bézoin primèr é si néna inn i mérite tite-la, sé bien lo manzé : bézoin primèr an parmi bann bézoin primèr.

Fasson d’dir nou la rotourn an aryèr konm toute bann pti kolon é ni koné pa si nou-mèm nou lé pa riskab tonb dann la sharète lissanssiman. Antouléka, ni krin.

Alé ! Mi kite azot rofléshi la dsi é ni rotrouv pli d’van, sipétadyé.

Justin