Biensir sa in drol kozman konm nana in bonpé kozman konmsa isi shé nou. Kan ou i lir sa, ou lé blijé poz aou késtyon. Donk sans prop, na poinn sans, mé dann sans figiré kosa i vé dir ? Sa i vé dir sirman i f opa dépans l’arzan la pankor fé.abiz pa dosi lio krédi ! Mé nana i pé dann komèrs, dann katalog i pous aou pou ou dépansé. Sé konm tir zèf an or dann vant volay, ou lé riskab tyé ali pou arien. Si ou nana in poul i ponn zèf an or. Lé rar sa, fransh vérité !

Kosa zot i anpans ? Arien ditou ? Fé travay z’ot koko ! Fé bouy z’ot matyè griz ! zot va oir ké rant-rant, ni pé z’ète, tazantan, dakor rantre nou.