Mézami, ala in konsèye, mi koné pa si li lé bon pou vréman-sansa si li lé pa bon-pars kossa sa i vé dir ? I vé dir, sanm pou moin, i fo pa fé dë shoz an mèm tan. Poitan, dan la vi, mi panss pa i gingn fé in sèl n’afèr in sèl kou, pars la plipar d’tan ou lé okipé fé dë shoz, sansa plizyèr, an mèm tan…

I paré l’avé in prézidan l’amérik téi gingn pa mash schwingom épi kour an mèm tan, sansa kozé épi kourir pars li té i tonm atèr souvan dé foi dovan bann kaméra é sa sé in n’afèr lé pa gayar ditou... In pé va di lo boug té fine manké ! D’ot va di si li téi fé in sèl zafèr li nora vni abou konsant ali bien dsi in sèl zafèr.

Mé, pou mon par, mi profèr konsèye azot bien rofléshi dsi provèrb-la. Konm in pé i di : shakinn i oi l’èr dovan son orte, é s iwi gingn fé plizyèr zafèr an mèm tan, fé aou ! Mé siwi gingnpa, la pa bézoin pars ou va gingn dézagréman ;

Alé ! Mi invite azot rofléshi la dsi é ni artrouv ppli d’van. Sipétadyé.

Justin