Médam zé méssyé, la sossyété koz èk mwin sé koz èk in kouyon, mé sé o py d’lo mir k’i oi lo masson.

Mézami dann katéshis i aprande toute sak la moral i rokomande é bien sir ladan néna ossi in pé règloman Bondyé.Donk, forséman i aprande pa tir in sink pou mète in siss pars fèr sa sé travèsti in pé la vérité.Dizon sé volé !

Mi rapèl mwin té antande sa kan demoune téi i zoué domino é k’aprésa i apèrsoi lo bande morsso la pa inn koté l’ote konm ki fo. Mé antanssyon, domino néna son konéssèr ossi sa é sa i konte bande morsso .Donk i fo pa sèye fé kroir azot blan pou noir, makaroni pou la bouzi.

Alé ! Mi invite azot rofléshi la dsu é ni artrouv plu d’van. Sipétadyé.