Oté

« Tonbé san ariv atèr ? »

In kozman pou la rout

Justin / 15 mars 2018

JPEG - 43.6 ko

Mi koné pa si zot la fine gingn la malshans tonm atèr dovan in ta d’moun. La plipar d’tan sa i ariv kan néna in kantité d’moun é sa sé in vré ont pou ou. Kisoi pars out zanm la troké ! kisoi pars ou la marsh dsi in galé roulan, dsi in po fig sansa ou la gliss dann in taye lo shien ! Kisoi ankor pars ou la pèrd l’ékilib san rézon ! L’èrla, si ou lé fyèr, ou va fé in romark konm an-o la, konm pou dir d’moun ou i s’anfoutsa, sansa ou lé pa la avèk sa, sa la pa grav sa ! Mé néna tonbé avèk tonbé ! Néna tonbé pou vréman konm in nish lo l’atraksyon térès i fé aou, épi néna tonbé sosyalman. Sosyalman ? Konm demoun i di i sort zandarm pou vni la polis. Désann dann lo piramid sosyal. Mi pans zot i konpran amoin. An tou lé ka, mi lèss azot rofléshi la dsi é ni artrouv pli d’van sipétadyé.