Mézami kozman mwin la marke an-o la ; sa in kozman demoune téi i ansèrv in bonpé sa avan. Avan ? Oui bien sir mé pa dann tan Versinzéktoriss osinonsa dann tan Bondyé téi marsh kate pate. Sinploman dann tan mwin lété marmaye.

Dann tan-la tortï té in zanimo intéréssan : l’avé pwin bonpé é sé son rarté téi fé son lintéré… Astèr alon arparl in kou noute kozman : mi panss li vé dir kan krétik in moune i fo rogarde si ou na pwin lo mèm défo. Si ou néna mèm défo, pran prékossion take oute baro pars la réponss lé paré pou ou.

Alé ! Mi kite azot rofléshi la dsi é ni artrouv pli dvan, sipétadyé.

Justin