Sans prop toulmoun i konpran : koman lo pov zanimo va nyabou oir son ké kan son kolé lé kourt, vèy pa koman, son ké sé in mognon, é ké nana in bèl kok an bite, rant son tèt épi son ké . Li pé tourn an ron dsi li-mèm, zamé li pou gingn oir son ké. Solman, li pé oir la ké son kamarad… Astèr, pou kosa kréol i di in n’afèr konmsa ? Sirman pou dir ou i oi défo lé z’ot, la vote ou i oi pa. Dann lang fransé i di pa, ou i oi lo brin la paye dann zyé l’moun, mé ou i oi pa lo bransh do boi lé dan la vote. Kosa zot i anpans ? Arien ditou ? Fé travay z’ot koko ! Fé bouy z’ot matyèr griz ! Zot va oir, ké rant-rant, ni pé z’ète tazantan, dakor rantre nou.