Mézami, mi panss zot i koné kozman-la pars sa la pa in kékshoz réssan — mwin pèrsonèl mi rapèl sa dopi lo tan mwin lété pti marmaye. Lékol mwin té i sava mwin l’avé touzour in bon kamarade é la métrèss téi di : « Nou lé konm shoushoute avèk la mori ! ». Zamé inn san l’ote, touzour inn avèk l’ote kissoi pou zoué, kissoi pou aprann lésson, osinonsa pou kass mang kou d’galé.

Mon gran-mèr téi di sanm mwin pou èl demoune i di sa pars shoushou konm léguime é la mori sèk konm poisson i sava bien l’inn avèk l’ote. I fo dir mon granmèr téi fé bien bann kari la mizèr konmsa. Mé noré pi trouv d’ote shoz pou di sa, mé oila sa la tonm dsi shoushou avèk la mori.

Alé ! Mi kite azot rofléshi la dsi é ni rotrouv pli d’van sipétadyé.

Justin