Pou kossa ? Pars mwinl’ariv in laz mi koné pa si talèr mwin lé ankor la. Asoir mi dor é domin mi lèv ankor sansa mi lèv pa ? Késtyon bète. Késtyon na pwin d’sanss pars si mi lèv sé k’mwin lé la, si milèv pa sé pars mwin la fine alé l’ote koté.

L’ote koté kossa néna ? Problèm ! Problèm pou mwin, problèm pou toulmoune, problèm mé san solission. Antouléka san solission pou mwin konm pou in bonpé d’moune sof sak zot foi i di azot noir dsi blan-é zot i kroi — kossa néna l’ote koté.

Alé ! Mi kite azot an réflékssion la dsi é ni retrouv pli dvan, sipétadyé.

Justin