Médam zé Méssyé, la sossyété, koz èk mwin sé koz èk in kouyon, mé sé o pyé d’lo mir k’i oi lo masson.

Mézami, mi panss zot i koné kozman-la, pars ziska zordi néna demoune i di sa kan i domande azot koman i lé. Koman zot i san azot. La plipar d’tan zot i di zot la viéyi mé pa konmsa, pars lé di pli zoliman kan lé di fasson kozman lé marké an-o la.

Lé rar in moune va di li la rajni, pars sa i rante pa dann lo sikle nout natir imène... Ni éné, ni viv, épi la mor i vien ral anou ; ni vé sansa ni vé pa mé noute déstin sé sa é ni artrouv pli dvan sipétadyé.