In kozman pou la rout

« Tou lé z’an douz moi ! »

11 zwiyé 2016, sanm Justin

Sa in kozman tout demoun La Rényon i koné bien. Dann in n’ané nana douz moi é douz moi apré ou la fine prann in an anplis dsi la tète. Sa i vé dir lo tan i pass pou tout demoun : ou i vé, ou i vé pa, lé konmsa. Sé pou dir aou, momandoné la rou i tourn : ou lé pti, ou i vien gran, ou i vien vyé épi lo roulo konprésèr i pass é ou lé l’ot koté la vi. Zot i ansouvien bann késtyon lo Sfinx la poz Oedipe ? Kisa k ‘i marsh dsi kat pat lo matin, dé pat lo midi é troi pat lo soir. La répons lété « do moun » é lo Sfinx la pèrd la parti dovan Œdipe é sète-la la gingn rant dann la vil de Thèbes, lo sfinx téi gardien baro.. Final de kont, sé la vi k’i suiv son kour konmsa. Alé ! ni artrouv pli d’van.


Signaler un contenu

Inn modékri, inn ti lavi, inn komantèr ?


Témoignages - 80e année

La pès kabo

5 juillet, par Christian Fontaine

Kan i ariv Novanm-Désanm-Zanvié, domoun i réziste pi ek la salèr. Zène-zan i mars dann somin, zène-fi i roul an dékolté ; sétaki i rod in manir po (…)


+ Lus