Médam, zé méssyé, la sossyété, koz èk mwin sé koz èk in kouyon, mé sé o pyé d’lo mir k’i oi lo masson.

Mézami mi koné kozman marké an-o la sou la form : « Toultan mi di bèr, la pa zordi mi sar torte mon boush an dèryèr volaye pou mwin di beur ». Mi panss mwin la antande sa dann in kozman Boris Gamaleya pétète mèm mwin la lir sa dann son léksik ilistré.

Sa i vé dir si ou lé abityé koz in manyèr la pa bézoin déform out kozé pars wi vé demoune i pran aou pou in moune bien. Par ébzanp koméla néna i bordé d’moune i di pi : « Rényon » sansa « Régnon » mé i di : « Lar’nyon » pou fèr bien, mé i fé pa bien ditou.Sanb pou mwin !

Mi pé mèm pouss pli d’van an dizan : « akoz i koz franssé kan i gingn pa ? Koz kéol é tanpir si sa i fé gingn bouton in pé  »

Alé ! Mi kite azot rofléshi la dsi é ni artrouv pli d’van. Sipétadyé.