In kozman pou la route
« Toultan li rode dézorde mèm ! »
20 novanm, sanm
Médam zé méssyé, la sossyété, koz èk mwin sé koz èk in kouyon mé sé o pyé d’lo mir k’i oi lo masson.
Sépa si zot i frékant in moune i rode dézorde mé si zot koté zot i yèm pa dézorde ébin la vi a dë lé dir pou amenn korèktoman.
Mézami sépa si zot la romark in n’afèr : kan dë moune lé ansanb néna inn i yèm pa dézorde é l’ote i rode dézorde. Opliss inn i yèm pa dézorde, opliss l’ote i rode dézorde si tèlman lé dir pou trouv in térin d’antante.
Sak lé étonan sé k’i ariv parfoi lo dë pèrsone i amenn in gran boute shomin la vi ansanb malgré ké lé dé néna in karaktèr lé pa touzour konpatib.
Alé ! Mi kite azot rofléshir la dsi é ni rotrouv pli dvan, sipétadyé.
Justin
Signaler un contenu
Inn modékri, inn ti lavi, inn komantèr ?
