Mézami pétète zot i koné pa kozman-la, mé sak lé sir d’apré mwin sé ké li lé éné anparmi bande pilyé d’boutik — sak i fé ké la boutik i rèss ankor rouvèr malgré lo trépé d’marsandiz i rèss pou vande dedan. Zot i konpran kozman-la zamé o gran zamé sa i pé énète dann in grande sirfass, in landroi lé pa favorab pou invante kozman.

In tan mwin téi kroi sa lété in kozman pou fé rir la boush sinploman mé afors rofléshi sanm pou mwin sa sé in kozman in moune abityé pèye lo kou pou d’ote k’i pèye pa zamé. Sa i vé dir, akoz sé toultan lo mèm k’i pèye a boir ?

Alé ! Mi kite azot débarbote azot rant Sin-Missèl épi l’arkanj é mi invite azot pou rofléshi la dsu é ni rotrouv pli d’van, sipétadyé.

Justin