Mé mi panss pa, pars la po lé si tèlman fin kaziman transparan, mi kroi pa néna vitamine ladan. La pa konm la po mang, la po konkonm épi d’ote kalité lo frui sé dann zot po néna bonpé vitamine.

Astèr alon pi parl de sa pou konprann nout kozman zordi. Mi panss kan i di in moune i manz patat avèk la po sa i vé dir li lé pa tro intélizan é li amènré plito la vi dann linbéssilité.

Donk mon kozman anlèr-la sa i vé dir avèk la départmantalizassion nou la pankor sort dann l’ornyère, nou lé pankor vréman déssalé.

Alé ! Mi kite azot rofléshir la dsi é ni retrouv pli dvan, sipétadyé.

Justin