D’apré sak mi koné kozman-la sa sé bann peul Péi Sénégal la trouv sa. Bann peul sé bann gardien bèf, mouton épi kabri. Pou kosa zot i di sa ? Pars, boudikont la vi lé konmsa : nana demoun malin sansa malis, épi nana d’moun kouyon. Pou lo dézyèm katégori, tout demoun i fé konmsa, donk zot i fé parèye galman... Moin té i koné in ga téi di toultan, o moins troi kat foi dann la zourné : « k’i bate di bèr lish son doi ! ». Son sèl kozman té sa avan li kontourn lo mir la vi. Son filozofi ? Tout sak i fé pa trap azot sé d’volèr malin, tout sak i fé trap azot sé bann volèr na la movèz shans ! ». Mi lèss azot kass z’ot tète la dsi, mé mi invite azot kant mèm évite fé trap azot lo doi dann po konfitir. Alé ! Mi lèss azot kass z’ot tète la dsi é ni artrouv pli d’van sipétadyé.