Sé konmsa k’in radio dann son lign éditoryal la koz èk son bann zoditèr. Li la di si la guèr sivil i déklansh an Franss, La Rényon k’i fé vnir d’franss katrovin pour san sak li konsome va krèv la fain… oui sansa non ?

Sèryèzman, l’avé in n’ot fasson réazi ké sa.

Noré pi dir dovan in ménass konmsa — mèm si sé in bob !- koman ni roganiz nout réponss ? é nout parti néna son bann zarguiman pou défann nout péi é son bann zarguiman i sorte dann nout program… Noré pi dir apiye dsi lo bouton nout lotonomi alimantèr. koman pèz lo bouton nout lotonomi énèrzétik ? koman déklansh nout politik dévlopman ? Pars sa lé irzan.

Koman pou kass lo réjime néo-kolonyal pars sé li ké finnkonte lé riskab mète anou dann in lanboulkidi inkroiyab. Pa solman an ka d’guèr sivil an franss,, mé galman dann la kriz énèrzétik, épi dann problèm la navigassion.osinonsa ka La franss épi Langlétèr l’apré fé zot intéréssan an ménassan l’Iran.

Plito k’alé in vant in sityassion artifissyèl, pou kossa lo radio la pa anparl toutsuite lotonomi énèrzétik ? Mi panss noré té pli intélizan azir konmsa é pa an invantan in guèr sivil ipotétik.

A bon antandèr salu !

Justin