Figuir azot néna in zour, na pli lontan ké lontan, mwin téi fé mon zétide dan la franss é déssèrtin kréol rényoné téi fé zot sèrviss militèr é kan téi ariv vantredi zot téi sava la kaz in famiye. Ziska dimansh é aprésa i rotourn la kazèrn.

Sé konmsa k’dossi lo ké mwin la trouv dë solda rényoné é nou la éshanjé dsi landroi zot i sort, dsi oussa zot i sava, kossa zot i fé. Si tèlman k’in trin la akosté é nout troi la rant anndan. Toute téi briye anndan é sé pou sa nou la sorte dann trin-la pars té pa la n’ote.

Mé inn la rèss anndan, li la parti Toulon mé nou ossi nou téi par Toulon é nou la pran lo trin d’apré mwin gayar ké sak lo ga la pri. Arivé Toulon nou la trouv ali assiz dsi son paktaz dsi lo ké Toulon apré atann… Sèl zafèr li la di anou : « oté dann trin-la tout té an nik. ».

Sé dir azot si li lété an ladmirassion. Ni artrouv pli dvan sipétadyé.

Justin