« Tout Martin la zèl lé blan ! » – In kozman pou la rout

29 mé 2015, sanm Justin

Kosa sa i vé dir ankor ? Dabor martin la zèl lé pa blan pou vréman, san pour san. Ni pé dir nana in pé la plime blan dann son zèl. Anfin, dizon lo zèl i pé aparète blan kan li lèv…

Tout fason la pa la lo problèm. Lo problèm sé ké tout martin lé parèy. Si lé parèy, i pé konfonn inn avèk l’ot. Donk si moin nana kékshoz é ou i pans sa lé aou, moin va dir aou « tout martin la zèl lé blan ! » : rès aou trankil, la pa bézoin an-nuir amoin. Romark bien si ou nana in prèv ké lo késhoz lé aou, pars ou la mète in mark dési, mon kozman i tonm atèr…

Dizon ou la bien pèrsonaliz ali. L’èr-la, mon l’inosans i kas par bout. Tout martin, la zèl lé blan ? Près tout !


Signaler un contenu

Inn modékri, inn ti lavi, inn komantèr ?


Témoignages - 80e année


+ Lus