Oté

« Tout sak i ariv de mal lé zot, i pé ariv anou galman »

In kozman pou la rout

Justin / 4 mé 2018

JPEG - 43.6 ko

Mi koné désèrtin moun i rouv z’ot radyo granmatin pou ète o kouran tout sak l’ariv de mal dopi la vèye o soir. La pa ké sa i kontant azot, mé zot i yèm ète o kouran bann z’afèr konmsa. Inn la gingn kou d’zok par isi ! L’ot la gingn kou d’zok par laba ! Mé pou moin, sa i pèrmète konfront z’ot bon kèr sipozé avèk l a réalité ! Sa i donn azot l’okazyon pou konpar azot avèk tout bann malfézan néna dsi la tèr La Rényon. Mé konm nout kozman i di : si la pankor ariv aou, kroi pa i ariv ar pa é zour-la, kroi pa zot sar pli paré k’in n’ot. Kroi pa zot i soufèr ar pa zour-la. Alé ! Mi kite azot rofléshi la dsi é ni artrouv pli d’van. Sipétadyé.