Kossa kozman-la i vé dir ? I rèss pi arien. Konm kan i di tout sak i rèst sé la ké d’shat pars sé pa si zot la romarké mé larzan gagné san fatig sé larzan pèrdi konmsi la posh néna trou… I pé dir sa pou larzan léritaz, konm pou larzan gagné la lotri, pétète ossi pou larzan volé.

Laktyalité i mank pa bann ka konmsa é bann zansien i di souvan la pa konète forssé pou gagné, sé pou sa la pèrde tout. Néna in provèrb franssé i di : « bien mal acquis profite jamais » é sa lé vré an zénéral mé pa pou toulmoune.

Alé ! mi kite azot rofléshir la dsi é ni retrouv pli dvan sipétadyé.

Justin