Oté

« Toute bien i diminyé an partajan, sof la konéssans k’i rèss parèye »

In kozman pou la route

Justin / 29 mars 2021

JPEG - 43.6 ko

Médam, zé Méssyé, la sosyété, koz èk mwin sé koz èk in kouyon, mé sé o pyé d’lo mir k’i oi lo masson. Mézami, mi koné pa si zot i yèm partazé, mé si zot i yèm sa, zot i doi sirman romarké lo partaz souvan dé foi la pa inn bone afèr. Opliss wi partaz, o moins ou néna, si tèlman k’in pé i profèr garde toute pou zot san partazé. kissoi larzan, kissoi la tèr, kissoi ankor ninport ékèl zafèr. Mé néna in n’afèr i diminyé pa kan wi partaz, sé la konèssans. Sak mi di azot la sé in kamarade la di avèk mwin - mwin la pa d’mand ali si sé li k’la trouv in gayar zafèr konmsa, sansa sé in ote, mé par l’fète sa i konte pa pou mwin. Antouléka mwin la panss li lété li lo linvantèr in gayar zafèr konmsa. Gayar ? Sirman sa lé gayar é anpliss sé konmsa ké l’imanité la progréssé, par konéssans partazé. Zot i koné i di souvan défoi in moun la plante in pyé d’boi dann son vi, la pa gaspiye son vi, mé i pé di ossi in moun la partaz la konéssans li ossi la pa gaspiye son vi. An kontrèr, ni pé di li la fé dé shoz Alé ! Mi kite azot rofléshi la dsi é ni artrouv pli d’van. Sipétadyé.