Moin la fine anparl azot mon bann kamarad, sak la pa invant zèf bouyi la ? Pour sïr moin la fini. Alors, parlfèt, zistoman moin la trouv inn yèr-o-soir. Nou koz-koz in pë aprésa, lï di amoin li lé an traka.

« An traka ! » mi di ali. Kossa ki mèt aou an traka ? Li fé amoin pou répons : « La rout an kornish sé son traka, akoz pou travèrsé, koméla i fo donn inn éro. » Moin la kalkil lo boug lé fine éstrévagé. Trakassé, pou in n’afèr v’ariv, i di, lané dé mil-disèt, i fo son tèt la pa bon. Dé mil disèt, la pa koméla.
Trakassé pou in n’afèr konmsa, i vo mié li rod in n’ot traka. Lokazion i mank pa outor !

Alors, li fouy dann son posh, li tir in piès in éro. Li di amoin, lï la fine komans ramassé. Astèr, li la désid arèt ramassé. I ginye in mash avèk sa pou marmay. Apré, so kou isi sé li ki di a moin : la pa bézoin trakassé, traka pou sa, sé traka pou la po patat.

Justin