Mézami néna dé foi wi pé z’ète angazé dann in lantroprize fassil, défoi sé lo kontrère é konm i di lé pa gagné d’avans. Kan lé pa gagné d’avans i di : dor tar, lèv bonèr. Pars prépare aou bien pou in n’afèr difissil ! Konm par ébzanpe trape Sitarane avèk Fontaine épi Saint-Anze calandrin. Sa in bande la fé déga dann sid La Rényon sa ! Sa la volé, sa lé fé krime, sa la boir lo san d’moune, sa la fé la maji noir ziskatan k’in nuite zot i fini par fé in l’érère é zour-la fé trape azot. Mé lo tan té fine passé, dolo té fine koulédsou lo pon, é alapopilasion té fine trakassé, tromatizé.

Alé ! zistoir-la lé fine passé dopi lontan, mé lé pa interdi rofléshi dsi sète afèr-la é ni artrouv pli d’van. Sipétadyé.