Mézami néna d’moune i yèm travaye, é néna d’ote i yèm pa sa. Sirman parss zot prinssip moral sé : « lo travaye lé pa fé pour l’om, la prèv sa i fatig ali ! ». Lé pa pars in komik la di sa, ké lé forsséman pa vré.

Mé la fasson lo kozman lé tourné lé intéréssan pars i pé di, konm ni sorte oir : « Travaye avèk li sé dë ».I pé di ankor « kouraz avèk li i fé dë ! ». Sansa « la solidarité li sé dë ! ». In manyèr bien élégan pou tir défo in moune.

Donk in fasson d’dir la pèrsone lé pa tro for dsi lo travaye, dsi lo kouraz osinonsa dsi la solidarité. In gayar formile pou dress lo kostime in moune pa intéréssan.

Justin