Mézami dann kozman mwin la marke an-o la i parl travaye épi i parl in moune pa tro for dsi la késtyonn travaye. Dann patoi franssé i di la pèrsone néna in poil dan la min, mé dann noute kozman sa i pèrmète anparl plizyèr défo d’moune. Biensir, néna travaye é li i fé dë, mé néna galman kouraz é li i fé dë, kom i pé dir ankor « la politèss é li i fé dë ».

La konstrukssion nou néna sa i pé pèrmète anou tir défo in moune, vréman toute défo, an parlan d’in kalité, mé an dizan la pèrsone na poin kalité-la. Si zot i vé zot i pé fèr in paké konstrukssion konmsa.

Alé ! Mi kite azot rofléshi la dsi é ni artrouv pli d’van, sipétadyé.

Justin