Oté

« Travaye lo matin pou manz lo soir »

In kozman po la rout

Justin / 12 octob 2018

JPEG - 43.6 ko

I fo dir koméla lé pi konmsa. Dann tan oui ! Kan demoun téi viv konm zoizo dsi la bransh. Té i di pa : travaye la klé pars la klé i pèye tout suite. Sa i romont dann tan in kozman konmsa, pars demoun téi viv o zour lo zour isi La Rényon mé koméla ankor mi pans néna in bonpé landroi domoun i viv konmsa. Pétète zot va di : koméla i fé épi zafèr konm sa ! Poitan oui pars si néna in pé d’landroi lo lékonomi lé roganizé : i prévoi lé shoz, mé la pa partou i pé prévoir. Mi souvien, kan moin lété marmaye désèrtin téi tonm féblès pars gouté l’avé poin é konm i di : gouni vide i tienbo pa d’ bout, té pa rar, kisoi bann marmaye lékol, marmaye katéshis, kisoi bann zadil, kisoi bann vyé moun, momandoné l’avé pi l’énèrzi dann motèr é té i tonm a la ranvèrs. Alé ! Mi kite azot rofléshi la dsi é ni artrouv pli d’van. Sipétadyé !