Sa in kozman bonpé d’moun i ansèrv. Sans prop dizon lo moun i travaye san gingn l’arzan, in boushé manzé sé son sèl pèyman mé moin la fine antann osi sé in moun I travaye pou arien. Sa i égzis sa ? Mi pans ké oui, é pli souvan ké demoun i kroi. Moin la antann dir bann z’anfan La Rényon la parti dann La Kreuz té i gardien mouton toultan san alé l’ékol, é san toush in pèye. Dé foi ou i antann désèrtin moun i pratik l’ésklavaz modèrn é mèm zot i ramas lo pèrmi d’sézour désèrtin moun i sort kisoi dann péi l’Afrik, kisoi dann l’Inn, kisoi ankor dann d’ot péi. Zot i trime longèr d’tan é final de kont zot i toush okin salèr. An plin dann vintéinyèm syèk ? Oui an plin vintéinyèm syèk. Lé kant mèm in pé for ké l’ésklavaz modèrn i réaparète konmsa pa solman dann péi pov, mé galman dann bann gran kapital modèrn. Alé, mi lès azot réfléshi la dsi é ni artrouv pli d’van sipétadyé !