Lo tram sra in gran zafèr, sra bon pou domoun, sra bon pou lanvironman, sra bon pour sirkil an vitès, mi an dout pa. Mé nora touzour la rout pou fé, nora touzour lésans pou péyè. Dan mon fami moin na in pé lé pésèr, dot lé plantèr ; pou zot travay, zot i péy gazoy in pé moin sèr.

Inn afèr mi konpran pa, dan mon ti fami na in pé lé transportèr, i kondui kamion marsandiz, sinonsa voyazèr, touris, tousala. Azot minm i fé tourn lékonomi La Rénion an finn kont. Azot i roul toulézour pou zot travay épisa zot i toush pa gazoy détaksé.

Dopi lontan zot i domann in afèr, péy pétrol minm pri sat mon fami. Mi trouv sa normal. Zordi zot i intérpèl in dernié kou bann zéli, lotorité. Lé sir domin si zot i pét in kolèr, na pi rien i roul La Rénion, lékonomi bloké. Amoin dérièr...

Justin