Mésyé, Médam, La sosyété, koz èk moin sé koz èk in kouyon-o pyé d’lo mir i oi lo mason. Mé zami, zot I koné néna in kozman kréol I di konmsa-moin lé sir zot I koné ali !-“atèl in bourik avèk in kalèshli pran ali pou in shoval.” Zot I oi kon m de koi, si I done in moun I plas dsi la otèr ala ké lip ran ali pou in moun arrive. Kozman-la moin léfine trouv ali, pa arienk in foi, dsi mon shomin. Pli pir, mi oi souvan dé foi demoun inkapab okip n plas zot lé pa a la otèr. Mète azot roi, alé oir zot lé bon arien k pou ète in fou é sa I aranj pa zot, I arnj pa lo moun non pli. La pa par anvi mi koz moin la, mé zi pou dir l’moun si ou la bézoin in dirijan, shoizi avèk soin, pars la désépsyon, souvan dé foi, I ariv pli souvan ké ou I kroi. Alé ! Mi kite azot rofléshi la dsi é ni artrouv pli d’van. Sipétadyé !