Témoignages - Journal fondé le 5 mai 1944
par le Dr Raymond Vergès

Cliquez et soutenez la candidature des Chagossiens au Prix Nobel de la Paix

Lakey lo sit > Chroniques > Oté

« Trozour li la afayi, astèr li ropran favèr »

In kozman pou la route

vandrodi 16 févrié 2024, sanm Justin


Médam zé méssyé, la sossyété, koz èk mwin sé koz èk in kouyon, mé sé o pyé d’lo mir k’i oi lo masson.


Mézami zot i koné, pou la plipar d’moune, sirtou sak la fine pran laz, la santé sa i sava, sa i vien ; zordi sava, domin mwins, é aprésa i aranz in pé. Sak i vé dir néna lo tan pou afayir, épi lo tan pou ropran favèr.

Kan i domann in moune koman i lé, li réponn an zénéral, konmsi-konmsa é sa i vé dir tazantan lé in pé bien, apré i dékaniye in kou, pou ropran in pé aprésa.

Alor, sof sak lé fé an boi d’fèr, noute santé lé konmsa : kan ni afayi, ni afayi mé kan ni ropran favèr, ni ropran favèr.

Alé ! mi kite azot rofléshi la dsi é ni rotrouv pli d’van, sipétadyé.

Justin


Inn modékri, inn ti lavi, inn komantèr ?

signaler contenu


Facebook Twitter Linkedin Google plus