Oté

« Tyé kouyon pou pran son plass »

In kozman pou la rout

Justin / 29 out 2018

JPEG - 43.6 ko

Sa in kozman moin la antann néna bien lontan é pou dir la vérité, mi partaz kozman moin la mark an-o la si la pas an pour san, mé dann in bon proporsyon. Pou kosa ? Pars lo bann landroi moin la gingn lokazyon ète, moin la romark la bétiz, in pé partou, lé an karo. Li lé dann l’antouraz bann gran pèrsonaz konm dann la kaz bann ti kolon. Shakinn néna son par, konm i di, é kan in n’afèr inprévizib i ariv, ou i rann aou kont la bétiz i mank pa l’imazinasyon. I paré èl i done in l’idé dsi l’infini. D’ote va dir l’intélizans imène osi lé konmsa, èl i done anou galman in lidé d’linfini. Mé ozis, kisa lé pli for ? Kisa lé pli sir d’gagné ? Mi kite azot rofléshi la dsi é ni artrouv pli d’van. Sipétadyé !