Mi pans zot i souvien zistoir nou téi lir kan nou lété pti : zistoir in pti tayèr d’linz la tyé sète moush in kou avèk in torshon épi la mark sa dsi in bando. Mi sava pa rakont azot sa tèrla, pars moin la poin la plas é pars bann frèr Grim la fine bien rakont zistoir la. Sa sé lo zistoir déor, mé nana osi lo zistoir d’isi :« tié sète, blèss katorz ». I pé z’ète galman in sinp kasaz lé kui, pou in moun i vant ali in pé tro dsi son fors é k’i pé gingn in boush ta gèl. Pou kass ti boi, nana inn i pé dir ali : « Alors sé ou mèm tié sète blèss katorz ! »… Alé ! Mi lèss azot réfléshi la dsi é ni artrouv pli d’van sipétadyé.