Lakey lo sit > Chroniques > Oté
« Vande lo van pou ashté la briz »
In kozman pou la route
vandrodi 13 out 2021, sanm
Médame zé méssyé, koze èk mwin sé koze èk in kouyon, mé sé o pyé d’lo mir k’i oi o masson.
Mézami, mi panss zot i koné kozman-la, Sansa zot i koné sak i di : « Bate la mèr pou ramass lékime ». An touléka sak mwin lé sir sé ké la pa lo moune i bouze san aré, ké néna lo méyèr aktivité pars souvan dé foi li konfonde la vitèss avèk la préssipitassion. Dann noute lang kréol rényoné i parl souvan bande moune i tourne an ron, sansa demoune i fé l’aviyon, san fèr arien d’bon pou d’bon é néna demoune konmsa pou vréman. Baze pa dsi li, domande pa li arien, si li promète in n’afèr tienbo pa konte.
Alé ! Mi kite azot rofléshi la dsi é ni artrouv pli d’van. Sipétadyé.
