(page 16)

Bann plantèr La Rénion i konte bonpé si vizite komission agrikol le Parleman éropéin dann nout péi. Apré la désizion lorganization mondial pou le komèrs’, lèr lé grav. L’Europe i pé pa revoir son marshé kominotèr d’sik an tiran in tré si nout filièr kane !
Sé poukoué, avan pran ninportakèl désizion, i fo konsilt toute de moun konsèrné é bien soupèz le poi la kane dan nout péi. Nout lavnir lé an zé é nou la pa le droi bèrs’ anou, ni lé zot èk zilizion !!
Mé, amonlavi, lé bien mal parti èk sat nou la vi ou antandi ziska zordi. Le bann dépité sosialis le délégasion la komans’ par vann zot soupe pou le “oui”. Le rèst la bande la pa fé mié : “kass pa la tèt, la poin problèm”. Ala kosa zot la di bann plantèr lézitiman inkié !!!

Justin