Oté

« Vid la mèr èk in panyé pèrsé »

In kozman pou la rout

Justin / 13 désanm 2018

JPEG - 43.6 ko

Si mi konpran bien sa sé in n’afèr lé kaziman inposib pou fé. Dabor vid la mèr, mi oi pa kisa i pé gingn fé in n’afèr konmsa… Amoins k’inn gran katastrof i ariv é nou sar pi la pou anparlé. Anplis ké sa, avèk in panyé pèrsé dizon sa sé in défi i pé pa gingn fé. Mé dizon sa sé lo sans prop mé lo sans figiré, san la mèr épi san panyé pèrsé sa i vé dir fé in n’afèr inposib. In zour moin la antann in moun apré dir an parlan in n’ot lété milyardèr : « Ruine in moun konmsa sé vid la mèr avèk in panyé pèrsé ». Sé dir lo moun néna dé koi, é de koi é de koi konm lo in pour san d’moun sak néna lis sinkant pour san bann rishèsssnéna dsi la tèr. Alé ! Mi kite aot rofléshi la dsi é ni artrouv pli d’van. Sipétadyé !