Mézami zot i koné kréol i yèm rossovoir inn vizite tazantan. Mi souvien étan pti momon avèk papa, kan téi ariv dimansh aprémidi téi rande vizite zot zami-zamiz épi téi amenn anou, pou désovaj anou in pé. Nou téi yèm bien sa. Souvan défoi demoune — bande vyé zami mon papa — téi rande anou vizite.

Kan la vizite téi distanss in pé, sé l’èr demoune téi fé la romarke épi téi di sak lé marké an-o la. Dé foi i di galman « napoin lion dovan la kaz ! », in ote fasson pou dir sak lé marké la-o.

Alé ! Mi kite azot rofléshi la dsu é ni rotrouv pli d’van, sipétadyé.

Justin