Médame zé méssyé, la sossyété, koz èk mwin sé koz èk in kouyon mé sé o pyé d’lo mir k’i oi lo masson.

Mézami, mi panss zot i koné kozman-la é sirman dopi in bonpé d’tan. Mwin ossi dopi étan pti. Mwin la touzour intéroz amwin dsi lo kontantman lo dyab : in péshé lo promyé vol i kontante ali, in dézyèm péshé é li lé o zanz-si i pé di dé shoz konmsa.

Sa i rapèl amwin in fab Lafontaine : dé volèr apré bataye pou konète kossa zort i fé avèk in bourik volé. Lé dé lé pa dakor é kou d’poin, kou d’ppyé i komanss ronflé. Ziska k’in ote volèr i pass épi li vol « maître Aliboron »- lo nom lo bourik...

Alé ! Mi kite azot rofléshi la dsu é ni rotrouv pli d’van. Sipétadyé.